WaKiKri Song

Wakikri, Wakukri, was mached ihr im Wald?

// Spitz doch dini Ohrä, denn weisch es bald //:

Mir choched Häxäsuppä, denn die git üs Chraft,

// es schmöckt üs denn am beschtä, wem mer dussä schafft //:

Mir sind ganz wildi Räuber und rennät dur dä Wald,

// Chunnt au mol en grossä Bär, denn machet mir nöd    halt //:

Mir säged mit dä Sägi und hammeret däzue,

// denn das macht üs ganz viel Spass, Meitli oder Bueb //:

Und isch es dussä gruusig, denn sitzäd mir am Füür,

// und ghöret schöni Gschichtli vo Menschä, Pflanz und Tier //:

Am Obig holt üs s`Maami und dä Papi ab,

// denn springet mir wie Pfärdli schnäll dä Bärg durab //:

Wakikri, Wakukri, das mached mir im Wald,

// und wenn`s dir mega gfallä het, denn bsuech üs bald //:

 

WaKiKri Song

Bitte anklicken zum anhören.